وسام أبو علي يعلق على تواجده داخل الأهلي وسر التتويج بالبطولات

علق وسام أبو علي، لاعب الفريق الأول لكرة القدم بالنادي الأهلي، على فترة تواجده داخل القلعة الحمراء، والبطولات التي حققها مع الفريق الأحمر، خلال فترة الانتقالات الشتوية الماضية.

وأكد وسام أبو علي في تصريحات تلفزيونية: "من أول دقيقة مع الأهلي وأنا بتعب وربنا كرمني، والحمد لله، والأرقام دي كمهاجم لما تسجل أجوال الدنيا كلها هتتكلم عنك وهتكسب حاجات، لكن انا بلعب في فرقة كبيرة وكويسة جدا، يعني في اسيستات ولاعبين كتيرة بتساعدني عشان اسجل اهداف".

وتابع: "الحمد لله على الكلام في حقي وكلنا هنا اخوات وانا مركز في الملعب فقط، انا لا اعتبر نفسي اجنبي (انا فلسطيني مصري)، واسعى لتقديم الكثير للأهلي واسعاد الجماهير واتمنى يكونوا مبسوطين مني".

وأشار إلى أنه متواجد من نصف موسم في مصر، وبالتأكيد الفوز بكل الجوائز دي واسجل الاهداف دي حاجة كبيرة بالنسبة لي، وقدمت مع زمايلي مستوى كويس جدا ونجحنا في الفوز ببطولات.